Бастапқы медициналық-санитарлық көмек ұйымдарымен жұмыстың сабақтастығын қамтамасыз ету мақсатында жергілікті жерде дәрігерлермен кездесулер өткізілуде. Биылғы жылдың алғашқы кездесуі 2026 жылдың 1 сәуірінде №36 қалалық емханада Наурызбай ауданындағы мемлекеттік және жеке меншік медициналық ұйымдардың учаскелік дәрігерлері мен онкологтарымен өтті. Кездесу барысында қатысушыларға паллиативтік көмектің негізгі міндеттері, ҚПКО-ға жоспарлы госпитализациялау көрсеткіштері, сондай-ақ пациенттерді ГБ порталына енгізу үшін қажетті зерттеулер тізбесі туралы толық ақпарат ұсынылды. Сонымен қатар, Орталықтың атқарып жатқан қызметі, аудан емханалары тарапынан жолданған науқастар туралы мәліметтер баяндалып, өзекті мәселелер талқыланды.
2026 жылдың алғашқы көшпелі кездесуі